2 лютага 1971 г. у г. Рамсар на беразе Каспійскага мора ў Іране была падпісана Канвенцыя аб водна-балотных угоддзях, якія маюць міжнароднае значэнне галоўным чынам у якасці месцапражывання  вадаплаўных птушак у мэтах захавання і разумнага выкарыстання ўсіх водна-балотных угоддзяў шляхам ажыццяўлення мясцовых, рэгіянальных і нацыянальных дзеянняў і міжнароднага супрацоўніцтва, як уклад у дасягненне ўстойлівага развіцця ва ўсім свеце.
   Зараз да Рамсарскай канвенцыі далучылася 169 краін і больш як 2252 водна-балотныя ўгоддзі ва ўсім свеце на плошчы больш як 214 млн. га ўключаны ў Рамсарскі Спіс водна-балотных угоддзяў міжнароднага значэння. Рэспубліка Беларусь далучылася да Рамсарскай канвенцыі ў 1999 годзе. Заказнік рэспубліканскага значэння "Спораўскі" - першая тэрыторыя, якая была ўключана ў спіс водна-балотных угоддзяў міжнароднага значэння. Сёння 26 водна-балотных угоддзяў Беларусі на плошчы 778,3 га ўключаны ў Рамсарскі Спіс водна-балотных угоддзяў міжнароднага значэння (1999 год - "Спораўскі", 2001 - "Сярэдняя Прыпяць", "Альманскія балоты", 2002 - "Асвейскі", " Ельня”, “Котра”, “Званец”, 2005 – “Прастыр”, 2010 – Бярэзінскі біясферны запаведнік, 2012 – “Выганашчанскае”, 2013 – “Морачна”, “Стары Жадэн”, “Астравы Дулебы – Заазер`е”, 2 Казьянскі”, “Выдрыца” і нацыянальны парк “Прыпяцкі”, 2016 – “Пойма ракі Дняпро”, “Палеская даліна ракі Буг”, “Сервеч”, “Вілейты – Адуцішкіс”, “Іпуць”, “Дражбітка-Свіна”, “Дзікае”. », «Галубіцкая пушча», «Падвялікі Мох», «Свіслацка-Бярэзінскі»), з іх, у 2016 годзе, водна-балотнымі ўгоддзямі міжнароднага значэння (Рамсарскімі ўгоддзямі) абвешчана - 10, да таго ж дзве з іх трансгранічныя. Усяго з 17 водна-балотных угоддзяў ва ўсім свеце, якія маюць статус трансгранічных, чатыры водна-балотныя ўгоддзі Рэспублікі Беларусь прызнаны Сакратарыятам Рамсарскай канвенцыяй часткамі трансгранічных водна-балотных угоддзяў міжнароднага значэння «Прастыр – Прыпяць – Стаход» (Беларусь – Украіна), «Котра – Чапкеляй” (Беларусь – Літва), “Вілейты – Адуцішкіс” (Беларусь – Латвія), “Альманскія балоты – тарфяны масіў “Пераброды” (Беларусь – Украіна). Рэспубліка Беларусь - краіна асабліва багатая рэсурсамі водна-балотных угоддзяў і адыгрывае важную ролю ў іх захаванні на еўрапейскім узроўні. Зараз агульная плошча тарфянікаў складае 2,39 млн. га, у натуральным або блізкім да натуральнага стану захавалася 863 тыс. га балот, 10 тыс. азёр, 20,8 тыс. рэк.